სუფრული

სუფრული — ქართული (ქართლ-კახური) კლასიკური, მაღალმხატვრული საგუნდო სიმღერა, აგრეთვე ქართული ხალხური სასიმღერო შმოქმედების ცნობილი ჟანრი, რომელსაც განეკუთვნება მდიდარი და მრავალფეროვანი გუნდური სიმღერები: „ჩაკრულო“, „მრავალჟამიერი“, „მო, ლხინი ვნახოთ“, „ჩვენ მშვიდობა“, „მასპინძელსა მხიარულსა“, „დალიე ღვინო, იქნება“, „ყურძენმა სთქვა“, „თამარქალო“ და სხვა. არტემ ერქომაიშვილის ცნობით, სუფრაზე ძველად სიმღერებს წინ უსწრებდა სალხინო საგალობლები — „დღეს საღმრთომან მადლმან“, „მოდით და ვსვათ სასმელი ახალი“, „დიდება ღმერთსა“, „თამადებს გაუმარჯოს“, „სადღეგრძელო“, „მრავალჟამიერი“ (ცხრანაირი), „მადლობელი ვარ“, აგრეთვე „სიყვარულმა მოგვიყვანა“, „შენ ხარ ვენახი“ და სხვა.

ქართული საბჭოთა ენციკლოპედია, ტ. 9, თბ., 1985. — გვ. 615.